📍पारनेर ( प्रतिनिधी पारनेर न्यूज एक्सप्रेस )
सुजित झावरे पाटील यांनी विधानसभा लढवावी.
किसनराव धुमाळ यांचे झावरेनां साकडे
पारनेर तालुक्यात विकास कामांच्या माध्यमातून राजकारण करणारे नेतृत्व म्हणून सुजित झावरे पाटील यांची सर्वसामन्यात ओळख आहे. त्यामुळे विकास कामांच्या जोरावर सुजित झावरे यांनी विधान सभेची निवडणूक लढवावी असे साकडे किसनराव धुमाळ यांनी सुजित झावरे पाटील यांना घातले आहे.
सध्या विधानसभा निवडणुकांची रणधुमाळी सुरू झाली असून पारनेर नगर विधानसभा मतदारसंघांमध्ये महायुतीकडून अनेक नेते मंडळी इच्छुक आहेत.
महाविकास आघाडीकडून खासदार निलेश लंके ज्यांची शिफारस करतील त्यालाच उमेदवारी मिळणार आहे. तर प्रतिस्पर्धी महायुतीकडून
सुजित झावरे पाटील यांनीच उभे राहावे अशी धारणा गावोगावच्या झावरे समर्थकांकडून व्यक्त होताना दिसत आहे. स्वर्गीय आमदार वसंतराव झावरे पाटील यांनी तालुक्यात अनेक विकासाची कामे मार्गी लावली आहेत. त्यामुळे ही निवडणूक विकासावरती लढली जावी अशीच इच्छा किसनराव धुमाळ यांनी व्यक्त केली आहे.
सुजित झावरे पाटील यांनी खऱ्या अर्थाने सर्वपक्षीय कार्यकर्त्यांशी तालुक्यांमध्ये सुसंवाद ठेवला आहे. त्यामुळे त्यांना ही निवडणूक सोपी असल्याचे आता मानले जात असून त्यांच्यासाठी विधानसभा मतदारसंघांमध्ये पोषक निवडणुकीसाठी वातावरण आहे. पारनेर तालुक्यातील युवा वर्गामध्ये त्यांचं मुख्य आकर्षण आहे आणि ते विशेष लोकप्रिय असल्याने युवकांचे मोठे संघटन त्यांच्या पाठीमागे उभे राहणार असल्याचे भावना धुमाळ यांनी व्यक्त केल्या आहेत.
अरुण ठाणगे ही म्हणतात झावरे पाटील ...तुम्ही लढाच
सुजित झावरे पाटील यांचा गावोगावी दांडगा संपर्क आहे. तालुक्यातील राजकीय परिस्थिती पाहाता
सुजित झावरे पाटील हे उमेदवार म्हणून उजवे आहेत. सर्वांना सोबत घेऊन व सर्वांना विश्वासात घेऊन विधान सभा निवडणूक करावी असे मत माजी सभापती अरुणराव ठाणगे माजी सरपंच संतोष जाधव, भास्करराव शिंदे, अश्विन मंचरे आदी मंडळींनी केली आहे.
झावरे यांच्या रूपाने तालुक्यात सक्षम पर्याय..
तालुक्यात विकास कामांच्या माध्यमातून राजकारण करणारे नेतृत्व म्हणून सुजित झावरे पाटील यांच्याकडे पाहिले जाते त्यामुळे विकास कामांच्या जोरावर सुजित झावरे ही निवडणूक लढणार असल्याने तालुक्यात त्यांच्याकडे आता सक्षम पर्याय म्हणूनच पाहिले जात असून सुजित झावरे मैदानात येणार असल्याने समर्थक मंडळीत उत्साह तर विरोधी मंडळीत चलबिचल वाढणार आहे.
अनेक पिढ्यांचा राजकीय वारसा..
स्वर्गीय आमदार वसंतराव झावरे पाटील पारनेर तालुक्याचे दहा वर्ष आमदार होते. त्यांच्या माध्यमातून अनेक विकास कामे मार्गी लागली सुजित झावरे पाटील यांनी त्यांचा राजकीय वारसा पुढे चालवला असून खऱ्या अर्थाने सुजित झावरे यांना आजी आजोबा व वडिलांपासून खऱ्या अर्थाने राजकीय वारसा असल्याने त्यांच्याकडे एका वेगळ्या अपेक्षणे आता तालुक्यात पाहिले जात आहे.
📍 शिवशंकर शिंदे / माळकूप
✍️ संपादक - पारनेर न्यूज एक्सप्रेस
✒️ पत्रकार - मायभूमी व दिव्य जनलोक
📱9764972647
Comments
Post a Comment